Indi eon kinahangean it mga botante nga magdaea it mga vaccination card ukon swab test para makaboto sa May 9 elections.
Raya ro pahayag ni COMELEC Commissioner George Garcia angot sa ginakabaeak-an it pilang ka mga netizen nga posibleng indi pagpasudlon ro mga botante sa mga polling center kung owa it bitbit nga mga nasambit nga dokumento.
Suno kay Garcia, owa it kamatuoran ro mga naga-eapta nga impormasyon partikular sa social media bangud puwedi man sigon nga makaboto apisar nga owa it daea nga vaccination card ag owa nagpabakuna kontra sa COVID-19.
Basta nga una sa voters list sigon ro pangaean it mga botante, sanda hay pagasugtan nga makasueod sa mga polling precinct.
Ginklaro man ni Garcia nga bukon eon it kinahan-gean ro negatibong COVID-19 tests apang ro mga COVID-19 positive ukon may gina-angkon nga sintomas it nasambit nga masakit hay kinahang-ean nga i-quarantine.
