Sang dominggo antes ro mismong adlaw it election, ginpahayag it Philippine National Police (PNP) nga may kabilugan eon nga numero nga kapin sa 52 ro nareport nga insidente it election-related violence sa nasyon.
Suno kay PNP Spokesperson Police Colonel Jean Fajardo, sa nasambit nga numero hay kapin sa 28 insidente ro kumpirmadong owa it kaangtanan sa eleksyon, samtang 14 pa ro gina-imbestigahan.
Sa makaron, napueo eamang ro nalista nga insidente ag kumpirmadong may kahilabtanan sa eleksyon, kung siin ap-at hay maghalin sa Ilocos Region, tatlo maghalin sa Zamboanga, ag tig-sambilog maghalin sa Central Luzon, Northern Mindanao, ag Cordillera.
Dugang pa ni Fajardo nga magadeploy ro PNP it mga police personnel sa mga polling center ag COMELEC checkpoints para sa seguridad it Eleksyon 2022.
