Gindayaw ni Pope Francis ro mga katapo it media nga namatay ukon nakulong samtang ginapanindugan ro andang mga trabaho ag sa pagsikyar nga mapabilin ro hilway nga pagpahayag.
Sa anang mensahe kada-dominggo sa St. Peter’s Square sa Vatican, ginpaathag nana nga kinahang-ean taw-an it nagakaigo nga pagdayaw ro mga katapo it media nga maisog nga ginabalita ro mga nagakatabo nga pagsakop sa sangkatawhan.
Ro nasambit nga mensahe it Santo Papa hay makabig nga parte it World Press Freed Day it United Nation sa adlaw it Martes, Mayo 3.
Base sa listahan it UNESCO nga ku nagtaliwan nga 2021 may kapin sa 55 journalist ag media workers ro nalista nga namatay.
Samtang, owa man ginpaeagpas it Santo Papa ro anang pagkadismaya sa mga nagakinatabo nga giyera sa Ukraine.
