-- ADVERTISEMENT --
Uman nga ginpaathag it Commission on Elections (Comelec) nga extendable pa ro 7 P.M deadline it pagboto sa adlaw it eleksyon sa Mayo 9.
Ginpahayag ni Comelec Spokesperson James Jimenez nga ro botohan hay maga-umpisa it alas-6:00 it agahon hasta alas-7:00 it gabi-i apang maga-extend sigon sanda basta may nakapila.
Dugang pa ni Jimenez nga ro mga botante nga nakapila para magboto may 30 metro halin sa polling precincts hay pagapasugtan gihapon nga makaboto.
Nauna kara, ginpahayag it Comelec nga indi kinahang-ean magdaea it vaccination cards, face shields ag RT-PCR test results ro mga botante para makaboto.
