North Korea uman nga nagpaeupad it ballistic missiles

Uman nga ginreklamo it South Korea ag Japan ro ginhimo nga missile test it North Korea.

Suno sa Japanese defense minister nga sangka klase it submarine-launched ballistic missile ro ginpaeupad it North Korea sa kaeawran nga sakop nanda.

Ginakabig it Japan nga bukon it makatarungan ro hitabu bangud nga paeag raya sa international community.

Raya eon ro pangaywang insidente it pagpaeupad it North Korea it andang ballistic missiles sa sueod it sang dominggo kung siin ro una hay ko Miyerkules.