Ginpyerdi it Philippine Azkals U23 ro host nation ag defending champion nga Vietnam sa ikaywang beses nanda nga hampang sa pag-umpisa it 31st Southeast Asian Games sa Hanoi.
Nagtapos ro hampang it daywang team sa goalless draw.
Bangud sa pagdaog hay nagsaka sa ap-at nga puntos ro Azkals maghalin sa daywang matches sa Group A.
Sa pihak it makapilang beses nga ginhana it Vietnam nga mapasueod ro goal hay bantay sarado man raya it Azkals.
Madumduman nga ku nagtaliwan nga Biyernes hay natigayun nga mapiyerdi it Azkals ro Timor Leste sa 4-0 nga score samtang nagdaog man ro Vietnam sa 3-0 nga score kontra sa Indonesia.
Ro 2019 SEA Games bronze medalist nga Myanmar ro masunod nga maging kontra it Azkals.
Ro daywang top teams sa kada grupo hay abanse eon sa semifinals.
