Pila sa mga kaeabanan nga rason it pagsakit it ueo hay ro stress, depresyon, koeba, tension, kasubo, pagkabaeaka ag kaakig.
Pwede man nga magsakit ro ueo kon nagabuktot ukon poor posture, bukon it aligned ro gulugod ukon spine, matig-a ro mga masel sa abaga ag arthritis.
Kun may rayuma sa toe-an it leog ag pagtig-a it panga ukon TMJ.
Naga-atake ro migraine headache kon sobra ro pagkaon it mga pagkaon nga may tyramine kapareho it cocoa, tsokolate, keso, soy products, toyo, aeak, vetsin, caffeine, preserved nga karne nga may nitrites kapareho it hotdogs, bacon, pepperoni.
Ro iba pang rason it pagsakit it ueo hay ro low blood sugar, pagdiyeta, pagpueaw ukon kueang sa tueog, sobrang pagtrabaho ukon sobrang ehersisyo.
Nagasakit man ro ueo kon naga-iba ro klima ukon weather nga kun amat hay sobrang init ukon sobra man nga eamig.
May mga bueong man nga kaeabanan ro anang side effect hay pagsakit it ueo.
Kon bag-o ukon samtang may regla ag menopause.
Ro high blood pressure hay nagatuga man it pagsakit it ueo.
Gina-eagnat ukon nauntog ro ueo.
Mag-eowas kara, may mga tawo nga may irritants sa ilong kapareho it pahumot, thinner, pintura, ag rugby nga nagatuga it pagsakit it ueo.