Ginaea-uman it House of Representatives ag Senado ro proklamasyon it bag-ong pangueo ag bise presidente sa Mayo 27 ukon Mayo 28.
Ginpahayag ni House Speaker Lord Allan Velasco nga pagaea-uman nga matapos ro tanan sa buean it Hunyo.
Posible sigon nga magabuhay sa lima asta pitong adlaw ro canvassing.
Suno ma kay Senate President Sotto nga paga-umpisahan eon ro nasambit nga canvassing sa Mayo 24 it agahon kapin ag maga-umpisa sigon ro House at Senate session sa Mayo 23.
Raya eon sigon ro panyempo nga pagataw-an eon it haega ro pitong representate sa National Board of Canvassers (NBOC).
Ro mga miyembro it Congressional Canvass Committee nga nagaserbi bilang National Board of Canvassers (NBOC) hay ginapangunahan nanday Speaker Velasco ag Senate President Sotto.
