-- ADVERTISEMENT --
Ginkabig eon bilang “case closed’ it Department of Health (DOH) ro kaso it babayeng Finnish nga nakilaea nga naunang Omicron subvariant BA.2.12 case it nasyon.
Base sa ginpatigayon nga close monitoring sa sueod it daywang dominggo ukon sangka incubation period , tanan nga close contacts kara hay owa it nababatyagan nga ano mang sintomas it nasambit nga masakit.
Madumduman, ro babayeng Finnish hay may siyam nga close contacts sa Quezon City, lima sa Benguet, ag 30 samtang nakasakay imaw sa sangka eroplano paagto it Maynila.
Nag-abot sigon ro babaye sa Pilipinas ku nagtaliwan nga Abril 2.
Naka-recover ro pasyente sa Covid-19 ag natigayon nga makabalik sa sarili nga nasyon ku nagtaliwan nga Abril 21.
-- ADVERTISEMENT --
