Tatlong Kinzhal missiles nga parehong bag-ong hypersonic missiles it Russia ro ginpasabog maghalin sa sangka eroplano ag tumama sa sangka “tourist infrastructure target”.
Suno kay Sergey Bratchuk, spokesperson it Odesa regional military administration nga daywang persona ro ninahan bangud sa missile strike.
Owa gintumod ni Bratchuk ro target, apang daywang video ro nagakalat sa social media nga kung siin nagapakita it mabahoe nga naging halit sa sangka hotel sa lugar it Zatoka.
Raya ro pangaywang hotel sa rehiyon it Odesa nga tinamaan ku nagtaliwan nga Lunes.
Bukon pa sigon it klaro kung haman it ro nasambit nga mga hotel ro nangin target it missle attacked.
Suno pa sa Armed Forces Southern Operational Command it Ukraine ,sangka shopping mall man ro tinamaan it pitong missiles.
Limang indibidwal ro ninahan ag isaeang katawo ro namatay sa strike.
