Domestic flights it tanan nga eroplano sa Nigeria, suspendido bangud sa masyadong mataas nga jet fuel

Ginsuspende it tanan nga airline company ro andang local flight sa Nigeria bangud sa masyadong mahae nga jet fuel apang tayuyon man ro mga international flight.

Suno sa airline operators of Nigeria, napilitan sanda nga punduhon ro mga biyahe matapos nga magtaas it ap-at nga beses ro presyo it gina-angkat nga jet fuel.

Ginapahayag nga haeos ap-at nga buean eon sanda nga nalugi ag nabudlayan nga bawion raya sa pamasahe.

Nasayuran nga ro Nigeria ro pinakamabahoe nga producer it langis sa bilog nga Africa apang owa masyadong napanipuslan bangud sa pagiging atrasado sa teknolohiya it mga kumpanya ag eapnaag nga korapsyon.