Ro masuno nga daywang domingo ro ginabantayan makaron it mga health expert bangud nga dikara posibleng makita ro pagtaas it kaso it COVID.
Raya hay matapos ro mga natabu nga mabahoe nga events tuga it mga kampanya ag ro ginpatigayon nga eleksyon.
Sa mga nagtaliwan nga adlaw, nasaksihan naton ro pagbuhos it mga tawo sa mga polling precinct.
Owa eon nagasunod sa ginapatuman nga health protocols.
Kabay nga indi magdasig ro pagtaeapnan eabi eon makaron nga manami ro sitwasyon kon COVID ro paga istoryahan.
Posibleng raya hay bangud nga maabu eon ro bakunado, apang sangkiri nga numero sa gihapon ro nagpaturok it booster.
Suno sa mga health experts, kun pagatan-awon ro incubation period it virus, lima hasta pitong adlaw antes nga magguwa ro mga sintomas.
Kabay nga eubusan eon raya nga mapugngan ag magnaba ro kaso.
Ro good pa kara kon mas manaba eon sigon sa 200 ro kaso it COVID sa nasyon, posibleng indi eon pag obrahon nga mandatory ro pagsuksok it face mask.
Ginatantiya nga posibleng raya hay maangkon sa masunod nga daywa hasta tatlong buean.
Apang indi man dapat nga maging kampante ag dapat nga padayun ro pagdahan kadungan it pagpabaskog sa pagbakuna.
Rason nga makaron hay padayun kita nga magabantay sa masunod nga mga inadlaw.
