Mayorya it mga rehiyon sa Pilipinas, naka-transmit eon it election returns sa pagka-senador ag party-list groups

Mayorya eon it mga rehiyon sa Pilipinas ro naka-transmit it election returns sa pagkasenador ag partylist groups.

Suno kay Comelec Spokesperson John Rex Laudiangco, naghalin ro ERs sa Cordillera Administrative Region, Metro Manila, Regions 1, 2, 3, 4A, 4B, Bicol, Region 6, 7, 8, 9, 11, 12 ag 13.

Sa Northern Mindanao ag Cagayan De Oro City, kapin sa 85% eon it transmission ro natapos.

Sa Bangsamoro Autonomous Region in Muslim Mindanao, magapatigayun pa eamang it special elections sa tatlong banwa sa Lanao del Sur samtang owa pa naga-umpisa ro Overseas Absentee Voting sa Shanghai, China.

Kahapon, target it poll body nga mabuoe ro boto halin sa  siyudad it Manila, Taguig-Pateros, South Cotabato, Cebu, Davao City, Zamboanga del Sur ag Basilan.