Comelec, nag-umpisa eon it kaugalingon nga imbestigasyon sa mga pumalya nga VCM ag SD card ko eleksyon

Gin-umpisahan eon it Commission on Elections (Comelec) ro andang kaugalingon nga imbestigasyon angot sa pagpalya it pila sa mga vote counting machines ag SD cards ko May 9 elections.

Tuyo kara nga mataw-an it klaro ro mga alegasyon nga may natabo nga dayaan sa nagtaliwan nga eleksyon.

Una kara, gin-anunsyo eon ni Comelec Commissioner Marlon Casquejo nga nakipagpueong eon sanda project management officer, Department of Information and Communications Technology (DICT) ag Comelec advisory committee angot kara.