KALIBO, Aklan—Gin-aprubahan sa ginpatigayon nga regular session it Sangguniang Panlalawigan it Aklan ro urgent request ni Governor Florencio Miraflores nga magsueod sa Memorandum of Agreement (MOA) sa tunga it Department of Health (DOH) Regional Office VI.
Tuyo kara nga mataeanaan it kapin sa 10 milyon pesos nga pondo ro probinsya it Aklan.
Ro nasambit nga kantidad hay igabakae sigon it mga bueong agud nga masustine ro supply kara sa provincial hospital nga gintaeana bilang covid-19 hospital.
Nasayuran nga una gihapon ro nasyon sa tunga it pandemya kon sa siin may ginamonitor pang aktibong kaso it covid-19 ro Provincial Health Office ukon PHO Aklan maskin nga nagapabilin sa alert level 1 ukon pinakamanaba nga covid-19 restriction ro bilong nga probinsya.
Angot kara, nagapadayon ro pag-engganyo it mga health expert sa publiko nga magpabakuna kontra sa virus ro mga uwa pa naturukan kamana man magpabooster shot maskin nga fully vaccinated eon.
