-- ADVERTISEMENT --
Ginpiyerdi it Gilas Pilipinas ro host country nga Vietnam sa score nga 88-60 sa andang pag-engkwentro sa basketball match it nagapadayun nga 31st Southeast Asian Games sa Hanoi.
Raya eon ro pang-ap-at nga daog it Gilas kung siin sanda ro defending champion.
Nagpanguna sa kadaeag-an it Gilas si PBA six-time Most Valuable Player June Mar Fajardo nga naglista it 25 points ag 11 rebounds.
Nakalista man it tig-12 points sanday Kiefer Ravena ag Francis Lopez.
May daywang hampang pa ro Gilas ag raya hay sa tunga it Malaysia nga may sambilog nga daog ag daywang piyerdi kamana man ro Indonesia nga may tatlong daog ag owa pa it piyerdi.
-- ADVERTISEMENT --
Magapahuway pa ro Gilas makaron nga adlaw it Biyernes antes igapadayun ro nasambit nga mga hampang sa adlaw it Sabado.
