Pinoy boxer Eumir Marcial abanse eon sa gold medal match

Abanse eon sa gold medal match it men’s 69-75 kgs. event it 31st Southeast Asian Games sa Hanoi, Vietnam si Olympian boxer Eumir Marcial.

Raya hay matapos nana nga piyerdihon si Peerapat Yeasungnoen sa score nga 5-0.

Halin sa umpisa it hampang hay ginpakita eon ni Marcial ro anang kabaskog.

Ginpaueanan nana it bayo ro Thailand boxer hasta nga pag-abot it 2nd round hay napilitan eon nga magpilak it puting towel ro corner ni Yeasungnoen.

Kumpyansa si Marcial nga maangkon kara ro bueawan nga medalya kotra kay Delio Anzaqeci Raksat it Timor Leste.