Ginpirmahan eon ni Pangueong Rodrigo Duterte ro bag-ong laye para sa pagtukod it District Office it Land Transportation Office (LTO) ag Land Transportation Franchising and Regulatory Board (LTFRB) sa pilang ka mga probinsya sa nasyon.
Base sa ginpirmahan nga laye it pangueo, target nga ipatindog ro mga LTO district offices sa Isabela, Bukidnon, Misamis Oriental, Cebu, Capiz, Northern Samar, Dinagat Islands, Pampanga, Aklan, Negros Occidental ag Laguna.
Nakabaehag kara nga ginamanduan it presidente ro sekretaryo it Department of Transportation (DOTr) nga i-eakip sa andang programa ro pag-umpisa it operasyon it mga bag-ong LTO ag LTFRB District offices.
Samtang, iga-eakip man sa dag-unan nga national budget ro pondo agud nga maging operational ro mga bag-ong opisina.
