-- ADVERTISEMENT --
Nagapahaum eon ro Metropolitan Manila Development Authority (MMDA) agud nga malikawan ro anumang grabe nga pagbaha sa bilog nga Metro Manila.
Kasunod raya it anunsyo it PAGASA nga nag-umpisa eon ro tyempo it tag-uean sa nasyon.
Suno kay MMDA general manager Frisco San Juan, sa makaron hay padayun ro ginapatigayun nga cleaning up operation it ahensya sa mga drainage canal kamana man ro andang pag-inspeksyon sa mga raya para sa mas madasig nga paghupa it tubi engkaso nga makaangkon it mga pagbaha.
Mag-euwas kara, ginpahayag ni San Juan nga ginamanduan eon nanda ro mga traffic enforcers nga mas maging aktibo sa pagdakop sa mga motoristang owa nagasunod sa speed limit eabi eon ag madanlog ro karsada kada naga-uean.
