Ginkumpirma it Senado ag House of the Representatives nga magapadayun ro andang paghuyap it boto para sa presidential ag vice presidential race halin sa kakatapos eamang nga eleksyon.
Raya hay sa tunga pa gihapon it mga petisyon nga gindihon it pilang grupo sa Korte Suprema nga tuyo nga punggan sanda sa andang igapatigayun nga canvassing it mga boto.
Sa magka-separado nga pahayag hay uman nga gin-insister nanday Senate Minority Leader Franklin Drilon ag House Speaker Lord Allan Velasco ro tagsa-tagsa nga obligasyon it andang mga kapueungan nga makipagpueong ag makibuylog sa National Board of Canvassers (NBOC) sa paghuyap it mga boto ag pag-proklama it mga magadaog nga kandidato sa pagka-pangueo ag bise presidente it nasyon.
Samtang, makaron nga adlaw hay magapadayun ro sesyon it Senado ag HOR agud nga magbilog it sangka contingent Joint Committee nga ginamanduan it aktwal nga maghuyap it mga boto umpisa hin-aga, Mayo 24, samtang sa Mayo 27 man ro nakasugtanan it daywang kapueongan nga ipatigayun ro proklamasyon.
