Napas-eawan nga maangkon it Bureau of Internal Reveie (BIR) ro andang revenue target sa sueod it unang tatlong buean it presenteng dag-on.
Suno sa Department of Finance (DOF), raya hay matapos nga bumunae sa P485.4 billion ro haega it koleksyon nga natipon it BIR sa unang parte it dag-on, mas manaba it P47.2 billion ukon 8.9% sa P532.6 billion it Development Budget Coordination Committee (DBCC).
Apisar nga nakitaan it pagnaba sa kita sa unang quarter hay mas mataas pa gihapon raya it P32.4 billion ukon 7.2% kumpara sa dating P452.9 billion nga nakolekta it ahensya ko 2021.
Samtang, ginreport man it ahensya nga nakalista sanda it Php 17.4 billion nga shortfall sa VAT collection ag sambilog pang Php 9.4 billion sa income tax collections sa unang parte it dag-on kumpara sa target nga gintaeana it DBCC.
Suno kay BIR Deputy Commissioner Arnel Guballa, ro nasambit nga kakueangan hay halin sa mga negosyong nagagamit it andang input VAT credits sa mga pagbakae nga una sa idaeom it Tax Reform for Acceleration and Inclusion (TRAIN) Law.
