Nagapati si President-elect Ferdinand “Bongbong” Marcos Jr. nga kinahang-ean anay nga mag-agi sa sangka “cost-benefit” analysis ro mga proposisyon nga pagasuspendihon ro excise tax sa gasolina sa tunga it pagtaas it mga presyo kara.
Pilang grupo ro nagapanawagan para sa pagsuspinde it excise tax sa mga produktong petrolyo bangud sa pagtaas it presyo it krudo sa world market kasunod it pag-atake it Russia sa Ukraine.
Nauna eon nga nagdesisyon si Pangueong Rodrigo Duterte nga ipabilin ro mga excise tax sa gasolina nga ginmandu sa idaeom it Tax Reform for Acceleration and Inclusion (TRAIN) Law sa pihak it mga panawagan para sa pagpaiway ag ginpahayag nga ro pagsuspinde sa proposisyon hay posibleng mabawasan ro mga kita it gobyerno it P105.9 bilyon.
Sa baylo hay gin-aprubahan ni Duterte ro cash subsidies para sa mga apektadong sektor kapareho it mga transport driver ag mangunguma.
Ginpahayag pa ni Marcos nga kinahang-ean anay nga balansehon it gobyerno ro interes it mga tawo eabi eon ro mga sektor nga pinaka-naapektuhan ag ro kapasidad it gobyerno nga kumita.
