Gusto ni President-elect Ferdinand “Bongbong” Marcos Jr. nga uman nga usisaon ro ratipikasyon it partisipasyon it nasyon sa Regional Comprehensive Economic Partnership (RCEP).
Tuyo kara nga masiguro nga indi kara pagbawasan ro competitiveness it mga lokal nga mangunguma ag sektor it agrikultura.
Nasayuran nga owa pa naratipikahan it Pilipinas ro andang partisipasyon sa RCEP nga sangka free trade deal sa 10 miyembro it ASEAN kamana man sa Australia, China, Japan, South Korea ag New Zealand.
Ro kasugtanan sa hilway nga kalakalan hay magatao it daean sa mas maabu nga produktong pang-agrikultura halin sa ibang mga nasyon nga makasueod sa Pilipinas nga owa it mga taripa.
Nagpromisa man si Marcos nga pagapabaskugon nana ro sektor it agrikultura kaeakip ro food security.
Suno kana, kritikal ro supply it pagkaon eabi eon sa tyempo it krisis.
