Courtesy resignation it appointed officials sa idaeom it Duterte administration, igatugyan eon sa masunod nga administrasyon

Igatugyan eon sa masunod nga administrasyon it Malacañang kung kinahang-eanon pang magsumite it courtesy resignation ro mga appointed officials sa idaeom it Duterte administration.

Suno kay acting presidential spokesman Martin Andanar, ro desisyon sigon angot kara hay naka-depende eon sa pasueod nga bag-ong administrasyon.

Ginpahayag pa it sekretaryo nga indi eon kinahang-ean nga magsumite pa it resignation it mga opisyal ag empleyado it gobyerno nga co-terminus.

Suno kana, otomatiko nga magatapos ro termino it mga co-terminus sa Hunyo 30 kadungan it pagpanaog sa puwesto ni Pangueong Rodrigo Duterte.