Sangka 35-anyos nga Briton nga nagatrabaho bilang manugturo sa Spain ro nakabaton it Guinness World Record sa titulong “Longest Rap Marathon” matapos mag-rap raya sa sueod it haeos daywang adlaw.
Naga abot sa 39 hours, 37 minutes and 54 seconds ro freestyle rap performance ni Daniel Alcon ukon mas kilaea sa anang stage name nga DAIcon.
Natabu ro anang record breaking attempt sa Valencia, Spain kun sa siin naka-livestream ro anang performance agud nga matan-aw it anang mga tagahanga ag igbata sa U.K.
Suno sa rules it Guinness, may una eamang imaw nga five minute break sa kada sang oras nga pag-rap.
Sa sueod it 39 hours nga performance, ro ginkaon ag gin inom eamang ni Alcon hay kiwi, grapes ag maeaba-ab nga tsaa.
Ko Abril 2021, ginhana eon nana nga maangkon ro Guinness World Record apang napas-eawan imaw matapos masayuran nga may naka-sobra sa anang sa 35 hours nga freestyle rap marathon.
Rason nga sa ikaywang attempt, ginpasiguro nana nga owa it makaeampas sa anang performance.
Ginahaead ni Alcon ro anang world record title sa charity nga Key Changes, sangka charitable organization nga nagabulig sa mga mental health patients pinaagi sa music.
