KALIBO, Aklan–Ginpaathag it Aklan Provincial Tourism Office nga may ginatanyag makaron nga loan ro SB Corporation para sa mga industriya it turismo nga naapektuhan it COVID-19 pandemic.
Suno kay Aklan Provincial Tourism Officer Roselle Quimpo-Ruiz, raya hay kaparte it programa it taeatapan nga “RISE UP Turismo” para mabuligan nga makabangon ro mga negosyo.
Bukas sigon raya sa tanan nga DOT Accredited ag Non-Accredited establishment kaeakip ro mga primary tourism enterprise, secondary enterprise ag tourism support services.
Pwede sigon nga maka-loan it hasta P5 million ro mga business establishment nga gustong mag-avail kung siin may grace period raya nga 24 months nga owa it interes ag collateral.
Pwede sigon nga mag-apply kara ro mga negosyo nga naka-operate it sang dag-on pataas.
Ro mga gustong mag-avail it loan hay pwedeng mag-access online pinaagi sa www.bayanihancares.ph.
