Naka-abang nga magtaas ro sukot sa kuryente tuga it padayun nga pagtaas sa presyo it langis sa nasyon.
Nasayuran nga ro padayun nga banggi-anay sa tunga it Russia ag Ukraine ro posibleng rason it padayun nga pagtaas it tanan nga presyo kaibahan eon ro langis ag mga nagapangunang baeak-eon.
Suno kay Power4people Lead Convenor Gerry Arances, nakadepende ro presyo it panggatong sa presyuhan it langis halin sa mga plantang ginapadaeagan it coal ag iba pang fossil fuel antes nga igapasa sa mga consumer.
Mag-eowas pa kara ro daywang adlaw nga trading sa world market kun sa siin nagtaas it limang piso ro imported diesel; tatlong piso man sa gasolina tuga it pagbawae it maabung nasyon sa Europa sa Russian oil.
Angot kara, ginahirit it grupo sa masunod nga administrasyon nga repasuhon ro mga kontrata ag boe-on ro “pass-thru provision” ukon ro pagpasa it fuel costs sa mga consumer.
