National Museum  of Fine Arts, temporaryong igasarado sa publiko para sa inagurasyon ni BBM

NATIONAL News — Temporaryong igasarado sa publiko umpisa sa Lunes, Hunyo  6  hasta Hulyo 4 ro National Museum of Fine Arts sa old legislative building bilang pagpahaum sa inagurasyon ni President-elect Ferdinand Marcos Jr.

Raya hay suno sa pamunuan it National Museum, matapos ipahayag it kampo ni Marcos nga ro makasaysayang building ro mayad nga lugar para hiwatan it  pagpanumpa ni Marcos bilang ika-17 nga  pangueo it nasyon.

Ginpahayag it National Museum of the Philippines nga uman raya nga pagabuksan sa publiko sa Hulyo 5.

Samtang, magapadayun man ro  regular operation it National Museum of Anthropology ag National Museum of Natural History.