Terror attack sa simbahan sa Nigeria, ginkondena ni Pope Francis

Ginkondena ni Pope Francis ro natabo nga terror attack sa St. Francis Xavier Church sa Ondo, Nigeria nga ginkamatay it 50 katawo kaibahan ro mga unga.

Suno kay Director of the Holy See Mattero Bruni, nagapanawagan sigon ro Santo Papa nga ipangamuyo ro kaeuwasan it mga biktima.

Nasayuran nga ginsueod it mga suspek ro simbahan ag nagpasabog it bomba.

Samtang, nagpaabot man it pakikisimpatiya si Nigerian President Muhammadu Buhari sa mga biktima it insidente ag ginpasiguro nga andang pagapasabton ro mga suspek nga una sa likod it insidente.

Sa makaron hay owa pa it grupong naga-abot sa nasambit nga pag-atake.