Gindeklara it Russia nga nasakop eon nanda ro residential areas sa Severodonetsk sa eastern Ukraine.
Apang ginpamalibaran ra ni President Volodymyr Zelensky kung siin hay padayon sigon ro heroic defense it andang mga sundado sa Donbas region kontra sa pwersa it Russia.
Gin-insiter man kara nga indi sigon makapati ro Russian occupiers sa kabaskog it depensa it andang militar.
Ro Severodonetsk hay ro strategic city it Russia nga presenteng sentro it opensiba it Russia matapos ro pag-atras it andang pwersa maghalin sa pilang lugar sa Ukraine.
Ro kabisera it Severodonetsk kaibahan ro Lysychansk ro ulihing teritoryo nga sa idaeom it kontrol it Ukraine sa may Lugansk region ag ro Donetsk sa Donbas region.
Samtang, ku nagtaliwan nga Martes gindeklara it Russia nga ginbuy-an eon nanda ro residential areas sa nasambit nga kabisera apang sa kontrol pa sa gihapon it Ukrainian forces ro industrial zone ag mga nagapalibot kara.
