Sangka ginang sa Michigan ro sangkiri nga maduea-an it panan-awan matapos nga patakan raya it superglue nga gineaum nana nga eyedrops.
Suno sa ginang nga si Yacedrah Williams, nakalipatan nana nga boe-on ro anang contact lens antes nga matueog.
Pagbugtaw nana it aga-aga, nakabatyag imaw it sobrang dry it mga mata rason nga naisipan nana nga patakan ro mata it eyedrops.
Apang imbis nga eyedrops, bote it superglue ro anang nabo-oe sa bag.
Pagkapatak it superglue sa mata, gin testingan nana raya nga kusu-on apang nagpilit eon ro anang mga mata ag indi eon mamuk-eat.
Insigidang gindaea sa ospital si Williams ag idtu hay nabuligan imaw nga mabuksan it uman ro anang mata.
Suno sa doktor nga nag-asikaso kay Williams, nakabulig ro contact lens nga mapugngan ro severe damage sa mata ag maging rason it pagkabulag ni Williams.
Dugang pa it doktor, engkaso nga matabu ro makarondaya nga klase it aksidente sa kaugalingon ukon sa kaibahan sa baeay, ro mayad hay paagyan it running water ro mata bilang first aid
