Justin Bieber magapundo anay sa pagkanta matapos dapuan it sakit

Gin-anunsyo ni Canadian pop star Justin Bieber nga imaw hay temporaryo anay nga magapundo sa anang singing career.

Sa anang social media account ginpahayag kara nga imaw hay dinapuan it Ramsay Hunt syndrome nga tuga it owa paghueag it katunga it anang uyahon.

Dugang pa kara nga naghalin raya sa virus nga umatake sa anang ugat sa dueonggan ag uyahon nga nagtuga it pagiging paralisado it itsura.

Ginpakita pa kara sa video sa social media nga indi nana mahueag ro mata ag makahuyom sa katunga it anang itsura.

Nagpangayo man imaw it pag-intindi sa mga fans bangud sa kanselasyon it anang mga concert.