-- ADVERTISEMENT --
Pagatutukan it Philippine Air Force ro external threats sa Pilipinas matapos sigon nga magnaba ro internal threats sa nasyon.
Suno kay LT. Gen. Connor Anthony Canlas, andang igapatuman ro complete monitoring sa bilog nga nasyon engkaso nga ma-install eon ro dugang nga ap-at nga radar sa dag-on 2024.
Madumduman nga nakaangkon it ‘Flight Plan 2028’ ro ahensya kung siin an-om nga dag-on eon lang ro kinahang-ean para mai-enhance ro Air Power Capabilities it Pilipinas.
Ginpahayag ni Canlas nga kinahang-ean nga maipadayun it masunod nga administrasyon ro modernisasyon it Air Force agud nga mapahauman ro external threats bangud eon man sa bakbakan it Russia ag Ukraine.
