Indi eon mapamantaw pa ro regular nga public address ni Pangueong Rodrigo Duterte nga masami nga ginapatigayun kada Lunes it gabi-i.
Raya hay ro “Talk to the People” kung siin dikara personal nga gina-report it chief executive ro anang mga naging aktibidad samtang nagatao man it direktiba sa pilang mga gabinete.
Hunyo 6 kat ulihing nag-atubang ro pangueo sa anang “Talk to the People” kaibahan sanday DILG Sec Eduardo Ano, DOH Secretary Francisco Duque, NTF against COVID-19 Chief Implementer Carlito Galvez Jr. ag NDRRMC Exec. Dir. Ricardo Jalad.
Ko Mayo 30 ukon eksaktong sang buean antes ro pagtapos it termino it administrasyon hay ginpatigayun ro “last full Cabinet meeting.”
Dikara nagpasaeamat si Pangueong Duterte sa mga miyembro it anang gabinete ag nag-host it thanksgiving party para sa cabinet members kaibahan ro andang esposa.
