Importanteng mapangaeanan eon ro masunod nga sekretaryo it Department of Health (DOH) antes pa nga mag-umpisa ro pagpungko it bag-ong administrasyon.
Gintaw-an it punto ni Private Hospitals Association of the Philippines Incorporation (PHAPi) President Dr. Jose Rene De Grano nga nagaeaum ro grupo it medical community nga ro mapilian ni incoming President Bongbong Marcos Jr. hay sangka tawo nga makabulig sa mga doktor, nurses, ospital ag iba pang healthcare facilities.
Samtang, ginrekomenda man kara para maging masunod nga Health Secretary si Dr. Ted Herbosa.
Nasayuran nga si Herbosa ro special adviser it National Task Force (NTF) against COVID-19.
Suno kay Granno, bukon eamang it sanda ro nag-endorso kay Herbosa kundi maging ro iba pang mga ospital kaeakip ro Philippine Medical Association (PMA).
