20 freight container nga may sueod nga bueawan ag silver sa Mexico, gintakaw

Kapin sa 20 container nga may sueod nga mga bueawan ag silver ro gintakaw it armadong grupo sa Mexico.

Suno kay Gustavo Adrian Joya, tagapaghambae it Mexico State Security, naggamit it cranes ag trucks ro mga manakaw nga ginakabig nga ‘The Theft of the Century’.

Una sa sangka pribadong compounds it Commercial Port sa City of Manzanillo ro mga truck nga ginabantayan eamang it mga Port Surveillance.

Masami nga mataas nga klase it metal ag ibang bagay ro ginabuoe it mga manakaw sa nasambit nga nasyon.

Sa makaron hay gina-imbestigahan eon it mga otoridad ro insidente samtang padayun pang ginatumod kung pila ro balor it nabuoe it mga suspek.