Nagpaandam ro Bangko Sentral ng Pilipinas (BSP) sa posibilidad nga makaangkon it artipisyal nga kakueangan sa suplay it kwarta sa nasyon bangud sa pagtago kara it mga Pilipino sa guwa it bangko.
Ginpahayag ni BSP Governor Benjamin Diokno, kun pagakapuson ro nasyon it nagatiyog ukon naga-circulate nga kwarta bangud sa pagtago kara it publiko kapareho sa mga alkansya hay mapilitang mag-imprenta it uman ro BSP it dugang nga kwarta nga magatuga it mataas nga gastos sa produksyon.
Bangud kara, gin engganyo ni Diokno nga magtipon ro publiko sa mga bangko agud nga naga circulate ro mga banknotes ag coins sa merkado.
Mag-eowas sa bangko hay may iba pang mga pamaagi agud nga makatipon it kwarta kapareho it microfinance institutions, cooperatives, non-stock savings, loan association ag e-money issuers.
Dugang pa kara nga kon mas sangkiri ro pag-imprinta it kwarta ag pag-obra it coins it BSP hay magaresulta it mas mabahoe nga pondo nga maitau it Bangko Sentral sa national government.
