Pinoy Gymnast Carlos Yulo, nagpanguna sa all-around events sa nagapadayun nga Asian championships sa Qatar

Abanse eon sa score ro Pinoy world champion sa gymnastics nga si Carlos Yulo sa nagapdayun nga 9th Senior Artistic Gymnastics Asian Championships sa Aspire Dome sa Doha, Qatar.

Nagpanguna si Yulo sa individual all-around matapos ro Day One sa tatlong mga apparatus it gymnastics kaeakip eon ro pommel horse ag rings.

Umangat it husto ro score ni Yulo sa floor exercises kung siin imaw ro world champion ko 2019.

Sa second day makaron it all-around, uman nga magasabak si Yulo sa kompetisyon sa vault, parallel bars ag horizontal bar agud nga madetermina ro gold medalist sa all-around events.

Kung madumduman, humakot man it limang bueawan nga medalya si Yulo sa kakatapos eamang nga Southeast Asian Games sa Vietnam.