Daywang chef nga nagahimo it cooking videos sa TikTok ro nagbaton it ikaywa nanda nga Guinness World Record matapos sanda nga mag-eaha it “World’s Largest Chicken Nugget” nga may timbang nga 20 kilos!
Ko Nobyembre 2021, nakabaton sanday Nick DiGiovanni ag Lynn Davis it una nanda nga Guinness World Record kat makapag-bake sanda it “World’s Largest Cake Pop.”
Bangud sambilog sa specialty ni DiGiovanni ro chicken nuggets, naisipan nana nga raya ro eaha-on nga pagkaon para sa ikaywa nanda nga Guinness.
Agud nga maka-obra it higanteng chicken nugget nga 115 beses ro kabahoe kumpara sa normal nga nuggets, kinahangean nanda it 18 kilos it ground chicken, 40 nga itlog, 40 slices it white bread, tunga sa gallon it gatas, ¾ cup onion powder, ¾ cup garlic powder, 1 cup nga asin, ag ½ cup black pepper.
Agud nga raya hay maeaha, nagpa-obra sanda it mabahoe nga oven para maayos nga ma-bake ro higanteng chicken nugget.
Samtang gina-eaha nanda raya, may nakabantay na Guinness World Records adjudicator para on-the-spot nga mapasidunggan sanda sa andang bag-ong titulo.
Kat madinaeag-on nanda nga naeaha ro nuggets, gintunga-tunga nanda raya agud nga saeuhan it mga amigo, pamilya ag crew members.
