Plano it Philippine National Police (PNP) nga gamiton ro Philippine Arena sa Sta. Maria, Bulacan bilang viewing area sa nagahilapit nga inagurasyon ni President-elect Ferdinand Marcos, Jr.
Suno kay PNP Director for Operations, Maj. Gen. Valeriano de Leon, nagakaigo ro venue para kabitan it mabahoe nga LED Television para masaksihan it mga supporters ni PBBM ro pagpanumpa kara sa serbisyo.
Nakikipag-angot eon ro PNP sa kampo ni Marcos para sa nasambit nga suhestiyon.
Mag-euwas sa Philippine Arena, ginpahayag ni de Leon nga posible man nga gamiton ro Philippine Sports Center sa Pasig City bilang viewing area sa Live streaming nga sarang mag-accomodate it 40,000 katawo.
Ginatun-an man nga gamiton ro North Luzon Express Terminal sa Bulacan ag ro Mall of Asia sa Pasay city para sa nasambit nga okasyon.
Magapanumpa sa serbisyo si Marcos sa National Museum sa masunod nga dominggo, Hunyo 30.
