All systems go eon sigon ro seguridad nga ginpahaum it National Capital Region Police Office (NCRPO) sa inagurasyon ni President-elect Ferdinand “Bongbong” Marcos Jr.
Ginpahayag ni NCRPO chief Maj. Gen. Felipe Natividad nga ro final security preparation hay pinal eon para siguraduhon ro madinaeag-on ag zero casualty maging it ano man nga untoward incident sa Hunyo 30.
Owa man sigon sanda it may namonitor asta sa makaron nga alin man nga klase it hangkat apang padayon sigon ro andang monitoring ag koordinasyon sa andang mga counterparts.
Dugang pa it heneral, pila sa mga daeaon hay igasara nga may 1-kilometer radius ag gindeklara man sa National Museum nga no-fly zone para sa mga eroplano maging it mga drones.
Ginpadumduman man ro mga motorista nga maggamit it alternatibong ruta apang saligan eon sigon ro mabug-at nga daeagan it trapiko partikular sa mga daean paagto sa National Museum.
Sa pihak nga parte,indi man pagpasugtan ro mga backpacks sa tanan nga VIP areas para masiguro ro kaeuwasan it kada isaea nga magatambong sa nasambit nga inagurasyon.
