Posibleng umabot pa sa 8.1% ro inflation rate ukon ro pagtaas it mga baeak-eon ag serbisyo sa nasyon kun magapadayun pa ro giyera sa tunga it Russia ag Ukraine.
Raya ro ginpahayag ni House Ways and Means Committee Chairperson Joey Salceda kun sa siin base sa report it Philippine Statistics Authority (PSA) hay posible pang mag-eampas sa 5.4% ro inflation rate.
Base sa datos it PSA, mas mataas raya it 4.9% ko Abril ag 4.1% sa kaparehong buean ko nagtaliwan nga dag-on.
Sa pihak kara, ginpahayag ni Salceda nga owa imaw nagakabaeaka ag malikawan ro posibleng pagtaas it inflation rate kun masiguro ro food security sa nasyon ag padayun ro bulig sa mga pigadong Pilipino.
Ginsuhestiyon pa ni Salceda sa administrasyong Marcos nga panabaan ro taripa sa mga essential goods.
