-- ADVERTISEMENT --
Sumaka eon sa 114 ro namatay sa maeapnagon nga flashfloods ag landslides sa Bangladesh ag Northeastern India bangud sa owa it pundo nga pagbuhos it uean daea it habagat.
Ginabuebanta nga naga-abot sa 6 milyong katawo ro apektado sa Bangladesh samtang 3,000 sa India.
Suno sa mga otoridad, kaibahan sa mga grabeng eumubog sa baha sa Bangladesh ro Sylhet, Sunamganj ag Netrokona districts kung siin eampas it unang panaegan it baeay ro tubi-baha.
Samtang, pinakamaabu man nga nailistang death toll sa Assam State, India nga naga-abot sa 82.
Raya eon sa makaron ro pinaka-grabe nga pagbaha nga tumama sa mga nasambit nga lugar sa nagtaliwan nga pilang dekada.
-- ADVERTISEMENT --
