Nagpahayag eon it owa pagpabor ro masunod nga pangueo kaangot sa pagbo-oe it fuel excise tax.
Suno kay President-elect Ferdinand “Bongbong” Marcos, Jr., mas paga-gustuhon nana nga magtau it ayuda sa mga sektor nga apektado it non-stop oil price hike sa baylo nga suspendihon ro excise tax sa langis.
Ro pagbo-oe suno kana sa excise tax sa mga produktong petrolyo hay indi mapuslan it mga ginatamaan it padayun nga pagtaas it presyo it krudo, eabi eon sa mga sektor it transportasyon.
Rason nga gusto it masunod nga Punong Ehekutibo nga ayuson ro pagpanupod it ayuda.
Obrahon nga madasig ro distribusyon pinaagi sa digital nga proseso.
Madali nga hambaeo nga boe-on ro excise tax agud nga magnaba ro presyo it petrolyo apang ro pangutana, raya gid man baea ro pinakamayad nga solusyon?
Paalin ro mga gintaeanaan it bilyun-bilyong pondo halin sa raya nga excise tax.
Basi nga maging mas grabe pa ro sitwasyon?
Samtang, pag-abot man sa ayuda, kabay nga maging maayos gid man ro pagpanupod ag indi eon pagpabuhayon pa.
Sa makaron, owa kita it ibang mahimo kundi nga magtau it pagsalig sa gobyerno ag magbuylog.
