Nakilaea sa Guinness World Records si Renu Dhariyal sa India matapos masukat sa 8 feet ag 10 inches ro anang buhok, nga nagtao kana it titueo nga “longest hair on a living person (female).”
Si Dhariyal hay content creator nga nagaubra it mga video parte sa beauty ag hair care sa YouTube.
Nag-untat imaw sa pagpautod it buhok ku 2015, bangud sa anang pagtuo nga importante ro maeawig nga buhok sa kultura ag tradisyon it India.
Naeampasan ni Dhariyal ro anay record holder nga si Aliia Nasyrova it Ukraine, nga may buhok nga 8 feet ag 5 inches ro kahaba.
Suno kay Dhariyal, nagakinahangean it pila ka oras ro paghugas ag pag-paeos it mga buhol it anang buhok.
Mas ginapili man nana ro natural nga mga pamaagi ag nagahimo it anang kaugalingon nga hair oil ag shampoo gamit ro mga sangkap sa baeay.// Ginaturo man nana sa anang YouTube channel ro anang mga pamaagi sa pag-atipan ag pagmentinar it kahimsog it anang buhok.
