Eubus ro kalipay nga nabatyagan Mr. Albert Bautista matapos nga nadag-an ro GRAND PRIZE nga P1 milyon pesos sa Swerte sa Palengke 2026.
Si Bautista, edad 42-anyos, hay residente it Quezon City ag naggamit it Puregold bilang Proof of Purchase sa promo.
Halin ko 2012 hay nagapasakop eon imaw sa promo it Bombo Radyo Philippines.
Suno kay Bautista, mabahoe ro maibulig it cash prize nga anang nadag-an para makapaayos it andang baeay ag makapatindog it negosyo.
Si Bautista hay sangka helper sa maisot nga kumpanya ag imaw ro ika-82nd member it Bombo Millionaires Club.
samtang sa Bombo Radyo Kalibo, nag-abot sa 37,364 nga entries ro natipon umpisa week 1 hasta week 7 it Swerte sa Palengke Promo 2026 it Bombo Radyo ag Star FM.
Nagabutan bilang first prize winner si Josie Lampit, 58 anyos it Brgy. Mandong, Batan .
Gamit ro proof of purchase nga Gardenia, makabaton imaw it ₱25,000 cash prize.
Samtang, second prize winner si Nora Tampos, 54 anyos it Brgy. Tagas, Tangalan nga makabaton it ₱15,000 matapos nga mapili ro anang entry nga may proof of purchase nga Sarsaya Oyster Sauce.
Nabo-oe man ni Grace Rambunay, 57-anyos, it C. Quimpo St. Kalibo ro third prize nga ₱10,000 gamit ro proof of purchase nga San Miguel Pale Pilsen.
Nasayuran nga kapin sa P9 milyon pesos ro total prizes nga ginpanupod nationwide it Swerte sa Palengke Promo Year 2026.
