Mga ka-BOMBO gusto mo man baea nga makaangkon it onga? Apang, siyam eagi sa sangka ongaan eang?
MALI—Ginselebrar it Mali nonuplets ro andang ikalimang dag-on nga kaadlawan ko Mayo 4, 2026, limang dag-on matapos sandang gin-onga sa Casablanca, Morocco.
Ro siyam nga magmanghod nga ginakaeakipan it ap-at nga eaeaki ag limang babaye hay gin-onga ko Mayo 4, 2021 sa pinaagi it cesarean section sa 30 weeks nga pagnabdos nga may timbang nga kapin sa 500 gramo hasta sang kilo kada isaea.
Ginakabig nga tumaeagsahon ro pag-onga kanda bangud nga sanda ro unang kilaeang set it nonuplets ukon siyam nga eapsag nga Dungan nga nakaeowas sa pag-onga kanda.
Ro andang ina nga si Halima, kaibahan ro asawang si Abdelkader, hay halin Mali.
Halin sa Bamako hay ginsaylo ro anang pagnabdos sa sangka specialized clinic sa Morocco agud masiguro ro maid-id nga pag-alaga sa high-risk pregnancy.
Limang dag-on matapos ro pag-onga kanda hay padayon nga nagbahoe nga malusog ro siyam nga magmanghod.
Bangud kara, nakisadya man ro Guinness World Records sa pagselebrar it andang ikalimang kaadlawan.
