Pormal eon nga ginhinyu it prosecutor sa International Criminal Court (ICC) sa pre-trial chamber ro pagpatigayun it imbestigasyon sa “war on drugs” it Duterte administration.
Kung madumduman una eon nga ginsuspende ko Nobyembre 2021 ro imbestigasyon bangud sa request it Department of Justice (DOJ).
Apang ginpahayag kahapon it ICC prosecutor nga si Karim Khan halin sa The Hague, ro hinyu kato it gobyerno it Pilipinas hay indi eon kinahang-ean rason nga dapat sigon nga padasigan eon ro imbestigasyon.
Gin-insister sigon ni Khan nga napas-eawan ro gobyerno ng ipakita nga matuod nga gina-imbestigahan ro maabu nga kaso sa pagpatay sa mga police operations.
Sa 53 nga panig nga dokumento gintumod sigon ni prosecutor Khan nga ro imbestigasyon nga ginhimo it gobyerno hay owa man nagasakop sa matuod nga imbestigasyon it prosekusyon.
