-- ADVERTISEMENT --
Nakadugang it daywang Guinness World Records titles ro sangka Youtuber nga nakabase sa New York pinaagi sa pinakamadasig nga pag-inom it softdrink ag tomato sauce.
Si Eric “Badlands” Booker it Long Island ro bag-ong nagabuyot sa titulo nga pinakamadasig nga oras it pag inom it sang litro nga softdrinks ag tomato sauce.
Gin-inom ni Booker ro sang litrong softdrinks sa sueod it 6.8 seconds ag tomato juice sa sueod it sang minuto ag 18 seconds.
Nasayuran nga si Booker nga sangka competitive eater hay nag-ranked it pang-23 sa Major League Eating.
Nauna imaw nga nakalista it Guinness World Record para sa ”fastest time to drink two liters of soda” sa sueod it 18.45 seconds.
-- ADVERTISEMENT --
