KALIBO, Aklan–Nagpaabot it mensahe ag pagpasaeamat si Aklan 1st District Congressman Carlito Marquez sa ginhiwat nga Oath Taking Ceremony it mga elected municipal ag provincial official kahapon sa bahin it ABL Sports Complex.
Ginpaathag ni Congressman Marquez ro anang hantop sa tagipusuon nga pagpasaeamat sa gintao nga suporta kana it mga pumueoyong Aklanon kaibahan ro anang grupo sa Tibyog Akean.
Ginpasiguro man kara ro padayun nga pag-umwad it probinsya pinaagi sa pagbukas it maabu nga oportunidad ag proyekto.
Nagapati ro kongresista nga madali ro pag-uswag it ekonomiya kung may pagbuylog ro mga opisyal it gobyerno.
Pila sa mga ginpabugae nga legasiya ag proyekto ni Marquez ro nagapadayun nga development sa Pook Port kung siin kaparte sigon raya it pagpaumwad it industriya it turismo.
